Ræktunin er smá í sniðum hjá okkur í Eylandi og höfum við verið á fá eitt til fimm folöld á ári fram að þessu. Reyndar er folaldahópurinn myndalegur nú í sumar og folöldin átta talsins.

Venjan er hjá okkur að taka folöldin frá mæðrum sínum í byrjun árs og hafa þau ýmist í hesthúsiu okkar í Reykjavík eða á einhverjum öðrum góðum stað. Það er spurning hvort að folöldin verði tekin inn fyrr í ár vegna flensunar, allaveganna er fylgst mun betur með folöldunum en ella.  En yfirleitt gerum við folöldin band- og mannvön á fyrsta ári, það léttir svo á allri umgengni í framtíðinni.