Árgangur 2008

Dagfari frá Eylandi - IS2008184082

Dagfari er undan Veru okkar sem er í miklu uppáhaldi. Hann varð strax stórt og stæðilegt folald. Honum er laus gangur og fer um á brokki og tölti. Hann er hágengur undir sér enda á hann kyn til að verða “fótaburðadýr”. Í febrúar 2009 fór Dagfari í folaldasýningu og uppskar 3. sætið. Dómari var Kristinn Hugason og sagði hann að Dagfari væri þroskað folald með vel settan háls og afar mjúkar og miklar hreyfingar. Við bindum vonir við Dagfara og hann verður ógeltur þar til annað kemur í ljós.

M : Vera frá Ingólfshvoli (8.26 fyrir hæfileika)
F : Aron frá Strandarhöfði (8.54 - heiðursverðlaun fyrir afkvæmi)
BLUP : 114

Askja frá Mykjunesi - IS2008286725

Askja er undan 1. verðlauna klárhryssu með 9 fyrir fegurð í reið og 8.5 fyrir tölt, brokk, stökk og vilja/geðslag. Askja er síðan undan Akk frá Brautarholti sem er nú fallinn frá en afar spennadi hestur. Bróðir hans. Arður frá Brautarholti hefur verið að koma flottum afkvæmum á brautina og vonandi er Akkur einnig að gefa flott afkvæmi. Askja er afar spennandi framtíðarhryssa!

M : Elja frá Þingeyrum (8.04 - klárhryssa)
F : Akkur frá Brautarholti (8.57)
BLUP : 109

Þjórsá frá Eylandi - IS2008284082

Þjórsá er stór og stæðileg undan Aronssyninum Jakobi frá Árbæ og Grettlu frá Ási 2. Henni er laus gangur og hreyfingarnar eru liprar og skemmtilegar. Hún er sérstök að lit eins og öll afkvæmi Falar. Hún fæddist dökkbleikálótt eða jörp, varð síðan tinnusvört en er nú farin að grána. Í uppvextinum er Þjórsá það tryppi sem virkilega hefur fangað augað, bæði falleg og með frábært ganglang og hreyfingar! Verulega spennandi tryppi.

M : Föl (Grettla) frá Ási 2
F : Jakob frá Árbæ
FF : Aron frá Strandarhöfði (8.54 - heiðursverðlaun fyrir afkvæmi)
BLUP : 101

Hávar frá Mykjunesi - IS2008186976

Hávar er afar vel gert folald sem fangar augað. Háar og öflugar herðar, skemmtilegar hreyfingar og síðan er liturinn æði. Hávar er undan gæðingaföðurnum Kletti frá Hvammi og Hrafnsdótturinni, Hrafndís frá Hofi. Hávar er sá skjótti á myndinni.

M : Hrafnadís frá Hofi
F : Klettur frá Hvammi (8.49 - 1. verðlaun fyrir afkvæmi)
BLUP : 107

Höður frá Eylandi - IS2008184083

Höður er undan Hrafnhettu og Barða frá Laugarbökkum, en sá er stórættaður 1.verðlauna klárhestur (9 tölt og fegurð í reið) undan Birtu frá Hvolsvelli og Þokka frá Kýrholti. Höður fer um á tölti og brokki. Hann er mjög laglegur með fallegan háls.

M : Hrafnhetta frá Lækjamóti
F : Barði frá Laugarbökkum (8.29)
BLUP : 102