Anton frá Eylandi - IS2007184061 - seldur

Picture
Anton er fyrsta afkvæmi hennar Veru okkar frá Ingólfshvoli. Hann var hreyfingarmikið folald og álitlegt stóðhestsefni. Anton er undan heiðursverðlaunahestinum Hróð frá Refsstöðum og er nú hjá nýjum eigendum í Noregi. En það voru Stein Sorknes og fjölskylda í Lian sem festu kaup á honum vetur gömlum. Stein hefur haldið undir hann góðum hryssum og komu falleg folöld undan honum í sumar sem leið! Það verður gaman að fylgjast með honum í framtíðinni.! Myndin er af Antonsdóttur..


F : Hróður frá Refsstöðum (8.39 - heiðursverðlaun fyrir afkvæmi)
M : Vera frá Ingólfshvoli (8.26 fyrir hæfileika)
BLUP : 115 

Tími frá Mykjunesi II - IS2007186022 - seldur

Picture
Tími er undan Trú frá Auðsholtshjáleigu og Dögg frá Dalbæ. Tími er mjög lofthár og léttbyggður. Honum er laus gangur og hann fer fallega. Við höfum trú á Tíma og geltum hann því ekki. Dögg er undan ættmóðurinni Dóttlu frá Stóra-Hofi og Trostan frá Kjartansstöðum. Tími er sammæðra Kjarkssyninum Byr frá Mykjunesi en myndin hér fyrir neðan er af honum. Hægt er að lesa meira um stóra bróðurinn, Byr á síðunni hann HÉR.

F : Trúr frá Auðsholtshjáleigu (8.35)
M : Dögg frá Dalbæ 
BLUP : 116

Myndin var tekin í febrúar 2010 eftir tveggja mánaða tamningu..

Ísold frá Mykjunesi II - IS2007286197

Picture
Ísold er efnileg alhliðahryssa og er með frábærar gangtegundir. Hún er hágeng og geðgóð, fór mjög vel af stað í frumtamningu, þjál með allan gang. Virkilega spennandi tryppi. Hún er undan Dúkku frá Dalbæ sem er undan uppáhaldinu okkar, Gusti frá Grund og síðan ættmóðurinni á Mykjunesi, Dóttlu frá Stóra-Hofi. Faðir Ísoldar er gæðingurinn Klettur frá Hvammi. 

F : Klettur frá Hvammi (8.49 - 1. verðlaun fyrir afkvæmi)
M : Dúkka frá Dalbæ 
BLUP : 111

Á myndinni er Klettur frá Hvammi. Mynd af Ísold er væntanleg. 

Hrafnkatla frá Mykjunesi II - IS2007286196 - seld

Picture
Hrafnkatla er falleg alhliðahryssa undan gæðingnum Trú frá Auðsholtshjáleigu. Hún er fyrsta afkvæmi Hrafndísar frá Hofi sem fer í tamningu en hún er dóttir Hrafns frá Holtsmúla, þannig að það er Orra-Hrafns blanda í henni Hrafnkötlu. Hrafnkatla fór vel á stað í frumtamningu; þjál og geng. Hrafnkatla var seld til Þýskalands og er í miklu uppáhaldi hjá nýjum eigendum :)

F : Trúr frá Auðsholtshjáleigu (8.35)
M : Hrafndís frá Hofi
BLUP : 112

Á myndinni er Hrafnkatla í snjónum í byrjun  febrúar eftir tæplega tveggja mánaða tamningu..

Löpp frá Kambi - IS2007287463 - seld 

Picture
Löpp er spennandi klárhryssa undan Þrist frá Feti og tekur mikið eftir föður sínum; litfögur, hreyfingamikil og fext. Hún fór vel af stað í frumtamningu, virkilega jákvæð og góður gangur í henni með mikilli fótahreyfingu. Móðir Lappar er alhliðahryssan List frá Búðarhóli en sú hlaut meðal annars 9 fyrir háls/herðar/bóga og prúðleika. Löpp er úr ræktun frá góðum vini okkar, Hauk Haukssyni. 


F : Þristur frá Feti (8.27 - 1. verðlaun fyrir afkvæmi)
M : List frá Búðarhóli (7.86)
BLUP : 106

Löpp frá Kambi var seld til Þýskalands haustið 2012 - óskum nýjum eiganda, Angeliku Persin til hamingju.




Myndin var tekin af Löpp haustið 2011 en hér er stutt video af henni..