Von frá Ey I er tryppi á fjórða vetur sem hefur þróst vel í vetur og er að verða ansi glæsileg. Hún er undan Fjarka frá Breiðholti og Andvara dótturinni Venus frá Ey I. Hana Von keyptum við hjá vinum okkar þeim Gunnari og Berglindi á Ey þegar hún var folald. 

Von er nú hálfgert uppáhaldstryppi og hlökkum við mikið til að sjá hvernig hún þróast á næstu árum. Að tamningu og þjálfun hennar standa, Vigdís Matt sem frumtamdi Von en Bylgja Gauks hefur þjálfað hana af natni í vetur. Hér fyrir neðan eru nokkrar myndir og video. 

Fjórða folaldi kom í gær, það var Spes frá Stóra-Hofi sem kom með jarpstjörnótta hryssu undan Herjólfi frá Ragnheiðarstöðum. Sú stuttan er algjört óska folald og fékk nafnið Skör frá Eylandi! 

Spes eigum við til helminga með Leifi og Röggu systur Davíðs. Nú er komið að þeim að halda Spes og er stefnan á að búa til Stála"dóttur" :) 

Hátíð frá Fellskoti eignaðist sitt fyrsta afkvæmi nú í vikunni. Það var glæsilegur brúnn hestur sem leit dagsins ljós en hann er undan gæðingnum Mætti frá Leirubakka. Prinsinn lítur rosalega vel út  háfættur, hálslangur, gangasamur.. og brúnn!! Ekki hægt að biðja um meira. Hátíð tekur móðurhlutverkinu alvarlega, er allt í einu orðin ljónstygg og hleypur um með molann sinn. 

Nú er að leggjast undir feld og finna stóðhest fyrir Hátíð en þeir sem eru í sigtinu eru Andri frá Vatnsleysi, Spuni frá Vesturkoti og Framherji frá Flagbjarnaholti... ætli það verði bara úllen-dúllen-doff?

Þjórsá frá Eylandi er efnilega hryssa á fimmta vetur undan Feykisættaðri hryssu, Föl frá Ási 2 og Aronssyninum Jakob frá Árbæ. Þjórsá bryjaði sína tamningu og þjálfun afar vel en hún er mikið hágeng og aðsópsmikil hryssa. Við héldum undir Jakob þegar hann var tveggja vetra gamall en var hann afskaplega fallegur og hreyfingarmikill í uppvexti. Hann hefur verið töluvert lengi í dóm en hlaut í síðustu viku flottan dóm undir stjórn Sigga Sig. Jakob hlaut í aðaleinkunn 8.26 sem skiptist í 7.99 sköpulag og 8.46 hæfileikar, þar af 9 fyrir tölt.

Þjórsá hefur þróast vel síðast liðinn vetur og er eiguleg unghryssa en nú er svo komið að við höfum selt Þjórsá til Þýskalands. Stefnan er að hún verði sýnd í sumar og fari svo líklegast undir stóðhest. Við óskum nýjum eigendum til hamingju með Þjórsá!

Glaður er annar af tveimur stóðhestum á fjórða vetur (2009) hjá okkur á Eylandi. Hann er undan gæðingnum Gaum frá Auðsholtshjáleigu og Elju okkar frá Þingeyrum, hann er því litli bróðir Öskju. Það hefur verið skemmtilegur stígandi í folanum og er hann nú orðinn fluggengur á tölti og brokki. Mikil skrokkmýkt og lipurð einkennir Glað ásamt feikna fótaburð. Glaður er frumtamin og þjálfaður af Bylgju Gauksdóttur. 

Hnáta var fyrst þetta vorið og kom með glæsilegan hest undan Álf frá Selfossi. Litli hnokkinn er léttbyggður og sprækur. Við vorum afar glöð að sjá að Hnáta hefði komið með einlit folald en ekki skræpótt undan honum Álf :) 

Þessi ætti að geta gert einhverjar gloríur í framtíðinni en hann er undan Hnátu frá Hábæ - hreyfingarmikilli klárhryssu með yfir 8.40 fyrir hæfileika, bunka af níum og 9.5 fyrir brokk. Heiðursverðlauna- hestinn Álf þarf ekki að kynna. 

Vorið nálgast, það þýðir hjá okkur á Eylandi - folöld, stóðhestapælingar og kynbótasýningar. Fimm folöld eru væntaleg fyrstu dagana í maí svo að mikill spenna er í loftinu :) Þær Hnáta frá Hábæ, Hátíð frá Fellskoti, Spes frá Stóra-Hofi og Keila frá Bjarnastöðum ættu að koma með sín kríli á innan við viku. Í sumar verða folöldin átta í heildina. 

Kynbótasýningar eru hafnar, nú er spáð og spekulerað hvað skal fara með í dóm. Hjá okkur eru hrossin öll á fjórða og fimmta vetur - enn börn og unglingar svo að það er alltaf vandasamt að finna þessa þunnu línu hvort að betra sé heima að sitja og leggja meira inn eða demba sér í sýningu. En það sem mestu skipir er hvernig tryppinn höndla álagið jafnt líkamlega og andlega. 

Á myndinni er Hátíð frá Fellskoti. Myndin er tekin vorið 2011 á kynbótasýningu í Hafnafirði. Hátíð fór í flott 1.verðlaun fimm vetra 2011 og tók þátt á LM2011 í Skagafirði. Hátíð er ættstór unghryssa undan Aron frá Strandarhöfði og Hnotu frá Fellskoti. Hún kastar sínu fyrsta folaldi á næstu dögum við Mætti frá Leirubakka. 

Hjá þeim heiðurshjónum Hönnu og Haraldi á Hrafnkelsstöðum er eitt besta folaldauppeldi sem við þekkjum til. Við höfum síðastliðin ár haft okkar folöld í vetrarfóðrun á Hrafnkelsstöðum og þar er alltaf jafngóð tilfinning að vita af litlu "vonarstjörnunum" í góðu eftirlæt. Síðan er alltaf skemmtilegt að líta við og kíkja á folöldin, spá og spekúlera. Á dögunum gerðum við einmitt það. Það er ekki að spyrja að því að móttökurnar eru alltaf höfðinglegar á Hrafnkelsstöðum.

Pólstjarna frá Hamarsey aka. Pollan er sameign okkar og góðra vina, Hannesar og Ingu á Hamarsey. Pólstjarna er í góðu yfirlæti í Fellskoti ásamt fleiri Hamarseyja-folöldum. María í Fellskoti sendi okkur þessar fínu myndir af Pólstjörnu. 

Pólstjarna er undan Perlu frá Hólshúsum og gæðingnum Vilmundi frá Feti. Hún var nú ósköp mikill kútur í fyrstu en sýndi strax miklar hreyfingar og rými. Það hefur síðan tognað úr Pólstjörnu og það verður gaman að fylgjast með henni í uppvextinum.  

Það er alltaf gaman að kíkja á tryppalingana í sveitinni. Í 2011 árgangnum eru nokkrar spennandi skvísur sem eru afar samheldnar eftir vetrardvöl á Hrafnkelsstöðum, alveg ótrúlegt hvað þær halda alltaf hópinn. 


Á myndinni til hliðar eru Sæsdæturnar Herdís og Sæla frá Holtsmúla og í miðið er Pála frá Eylandi, Álfsdóttir.